തിരുവനന്തപുരം ജില്ലയിൽ ഇന്ന് 986 പേർക്ക് കോവിഡ് 19 സ്ഥിരീകരിച്ചു - EC Online TV

Breaking

Post Top Ad


2020, സെപ്റ്റംബർ 30, ബുധനാഴ്‌ച

തിരുവനന്തപുരം ജില്ലയിൽ ഇന്ന് 986 പേർക്ക് കോവിഡ് 19 സ്ഥിരീകരിച്ചു



തിരുവനന്തപുരം ജില്ലയില്‍ ബുധനാഴ്ച 986 പേര്‍ക്കാണ് കോവിഡ് 19 സ്ഥിരീകരിച്ചത്. ഇതില്‍ 835 പേര്‍ക്കു സമ്പര്‍ക്കത്തിലൂടെയാണ് രോഗം ബാധിച്ചത്. 111 പേരുടെ ഉറവിടം വ്യക്തമല്ല. 30 പേര്‍ വീട്ടുനിരീക്ഷണത്തിലായിരുന്നു. നാലുപേര്‍ അന്യസംസ്ഥാനങ്ങളില്‍ നിന്നുമെത്തിയതാണ്. ആറു പേരുടെ മരണം കോവിഡ് മൂലമാണെന്നും സ്ഥിരീകരിച്ചു.

തമ്പാനൂര്‍ സ്വദേശിനി വസന്ത(68), പള്ളിച്ചല്‍ സ്വദേശി മുരളി(55), ശ്രീകണ്‌ഠേശ്വരം സ്വദേശി നടരാജ സുന്ദരം(91), നെടുമങ്ങാട് സ്വദേശി ശശിധരന്‍ നായര്‍(77), വള്ളക്കടവ് സ്വദേശി അബു താഹിര്‍(68), പേയാട് സ്വദേശി പദ്മകുമാര്‍(49) എന്നിവരുടെ മരണങ്ങളാണ് കോവിഡ് മൂലമാണെന്നു സ്ഥിരീകരിച്ചത്.

ബുധനാഴ്ച രോഗം സ്ഥിരീകരിച്ചവരില്‍ 435 പേര്‍ സ്ത്രീകളും 551 പേര്‍ പുരുഷന്മാരുമാണ്. ഇവരില്‍ 15 വയസിനു താഴെയുള്ള 92 പേരും 60 വയസിനു മുകളിലുള്ള 144 പേരുമുണ്ട്. പുതുതായി 2,714 പേര്‍ രോഗനിരീക്ഷണത്തിലായി. ഇവരടക്കം 28,588 പേര്‍ ജില്ലയില്‍ നിരീക്ഷണത്തില്‍ കഴിയുന്നുണ്ട്. 3,226 പേര്‍ നിരീക്ഷണ കാലയളവ് രോഗ ലക്ഷണങ്ങളൊന്നുമില്ലാതെ പൂര്‍ത്തിയാക്കി. ജില്ലയിലാകെ 11,005 പേരാണ് കോവിഡ് ചികിത്സയില്‍ കഴിയുന്നത്. 379 പേര്‍ ബുധനാഴ്ച രോഗമുക്തി നേടി.

കോവിഡുമായി ബന്ധപ്പെട്ടു കളക്ടറേറ്റ് കണ്‍ട്രോള്‍ റൂമില്‍ 240 കോളുകളാണ് ഇന്നെത്തിയത്. മാനസികപിന്തുണ ആവശ്യമുണ്ടായിരുന്ന 43 പേര്‍ മെന്റല്‍ ഹെല്‍ത്ത് ഹെല്‍പ് ലൈനിലേക്ക് വിളിച്ചു. മാനസിക പിന്തുണ ആവശ്യമായ 4,139 പേരെ ടെലഫോണില്‍ ബന്ധപ്പെടുകയും ആവശ്യമായ നിര്‍ദ്ദേശങ്ങള്‍ നല്‍കുകയും ചെയ്തു.

Post Top Ad