കൊവിഡ് ബാധിച്ച് ചികിൽസയിൽ കഴിയുന്നവരുടെ കുടുംബത്തിന് സാന്ത്വനമായി ചെയർമാനും, ഡി.വൈ.എഫ്.ഐ നേതാക്കളും - EC Online TV

Breaking

Post Top Ad


2020, സെപ്റ്റംബർ 20, ഞായറാഴ്‌ച

കൊവിഡ് ബാധിച്ച് ചികിൽസയിൽ കഴിയുന്നവരുടെ കുടുംബത്തിന് സാന്ത്വനമായി ചെയർമാനും, ഡി.വൈ.എഫ്.ഐ നേതാക്കളും

ആറ്റിങ്ങൽ: കഴിഞ്ഞ ദിവസം കൊവിഡ് ബാധിച്ചതിനെ തുടർന്ന് ചികിൽസാ കേന്ദ്രത്തിലേക്ക് മാറ്റിയ കെട്ടിട നിർമ്മാണ തൊഴിലാളി 41 കാരന്റെ വീടാണ് നഗരസഭാ ചെയർമാൻ എം.പ്രദീപ്, വാർഡ് കൗൺസിലർ ഒ.എസ്.മിനി, ഡി.വൈ.എഫ്.ഐ നേതാക്കളായ സുഖിൽ, അനീഷ് എന്നിവരുടെ നേതൃത്വത്തിൽ സന്ദർശിച്ചത്.

     നഗരസഭ 20-ാം വാർഡിൽ മുല്ലശേരി റോഡിലെ 41കാരന്റെ കുടുംബത്തിനാണ് ഇവർ ഭക്ഷ്യ സാധനങ്ങളടങ്ങിയ കിറ്റ് നൽകിയത്. കുട്ടികൾക്ക് ചെറു പലഹാരങ്ങളും വിതരണം ചെയ്തു. കൂലിപ്പണിക്കാരനായ ഇയാളെ ചികിൽസാ കേന്ദ്രത്തിലേക്ക് മാറ്റിയതോടെ കുട്ടികളടങ്ങുന്ന ഈ കൊച്ചു കുടുംബം തികച്ചും പ്രതിസന്ധിയിലായി. ഈ വിവരം വാർഡ് കൗൺസിലറും പ്രദേശിക ഡി.വൈ.എഫ്.ഐ നേതാക്കളും ചെയർമാന്റെ ശ്രദ്ധയിൽ പെടുത്തിയതിന്റെ ഭാഗമായാണ് സംഘം നേരിട്ടെത്തി അവശ്യ സാധനങ്ങൾ കുടുംബത്തിന് വിതരണം ചെയ്തത്.

     ഇത്തരക്കാരെ എന്നും സംരക്ഷിക്കുന്ന സമീപനമാണ് നഗരസഭയും ഇടത്പക്ഷ പ്രസ്ഥാനങ്ങളും എന്നും കൈക്കൊണ്ടിട്ടുള്ളതെന്ന് ചെയർമാൻ പറഞ്ഞു.



Post Top Ad