സംസ്ഥാനത്ത് രണ്ട് പുതിയ പോക്സോ കോടതികൾ കൂടി തുടങ്ങാനുള്ള അനുമതി ലഭിച്ചു. തിരുവനന്തപുരത്തും നെടുമങ്ങാടും പോക്സോ കോടതി തുടങ്ങാനാണ് ഹൈക്കോടതി അനുമതി നൽകിയത്. പുതിയ കോടതിയുടെ പ്രവർത്തനം ജനുവരി 8 മുതൽ ആരംഭിക്കും.കുട്ടികൾക്കും സ്ത്രീകൾക്കുമെതിരായ കുറ്റകൃത്യങ്ങൾ വേഗത്തിൽ തീർപ്പാക്കുന്നതിനായി 23 കോടതികളാണ് നിലവിൽ ഉള്ളത്. ഇതിനുള്ള വിജ്ഞാപനം പുറപ്പെടുവിക്കാൻ സർക്കാരിന് നിർദ്ദേശം നൽകി.
