ആറ്റിങ്ങൽ നഗരസഭയിലെ 31 വാർഡിലെയും കൗൺസിലർമാരുടെ പേരും ഫോൺ നമ്പരും അടങ്ങുന്ന പട്ടിക കഴിഞ്ഞ ദിവസം പ്രസിദ്ധീകരിച്ചു. ചെയർപേഴ്സൺ, വൈസ് ചെയർമാൻ, സ്റ്റാൻഡിംഗ് കമ്മിറ്റി ചെയർമാൻ / ചെയർപേഴ്സൻമാർ കൗൺസിലർമാർ എന്ന സ്ഥാനവും, പേരും ഫോൺ നമ്പരും വാർഡിന്റെ പേര്, നമ്പർ എന്ന ക്രമത്തിൽ പട്ടികയിൽ സൂചിപ്പിച്ചിട്ടുണ്ട്. പൊതു ജനങ്ങൾക്ക് നഗരസഭയുമായി ബന്ധപ്പെട്ട് അറിയേണ്ടതും പരിഹരിക്കേണ്ടതുമായ കാര്യങ്ങൾക്ക് നഗരസഭയിൽ എത്താതെ തന്നെ വാർഡ് കൗൺസിലർമാരുമായി ബന്ധപ്പെട്ട് കാര്യങ്ങൾ അന്വേഷിച്ച് മനസിലാക്കുന്നതിന് ഈ പട്ടിക സഹായകമാവും. കൊവിഡ് കാലത്ത് പൊതുജനങ്ങൾ ഈ സേവനം പരമാവധി ഉപയോഗപ്പെടുത്തി അനാവശ്യ ഓഫീസ് സന്ദർശനം ഒഴിവാക്കണമെന്ന് ചെയർപേഴ്സൺ അഡ്വ.എസ്. കുമാരി അറിയിച്ചു.
