കൊവിഡ് വാക്‌സിൻ വിതരണം ; വർക്കലയിലും മണമ്പൂരും വാക്‌സിനേഷന്‍ കേന്ദ്രങ്ങൾ - EC Online TV

Breaking

Post Top Ad


2021, ജനുവരി 11, തിങ്കളാഴ്‌ച

കൊവിഡ് വാക്‌സിൻ വിതരണം ; വർക്കലയിലും മണമ്പൂരും വാക്‌സിനേഷന്‍ കേന്ദ്രങ്ങൾ

 


സംസഥാനത്ത്  ജനുവരി 16 മുതൽ  കൊവിഡ് വാക്‌സിനേഷന്‍ വിതരണം ആരംഭിക്കും.   ആദ്യഘട്ട വാക്‌സിനേഷന്‍ വിതരണത്തിനായി കേരളത്തിൽ 133  കേന്ദ്രങ്ങൾ തയ്യാറാക്കി.  എറണാകുളം ജില്ലയില്‍ 12 കേന്ദ്രങ്ങളും തിരുവനന്തപുരം, കോഴിക്കോട് ജില്ലകളില്‍ 11 കേന്ദ്രങ്ങള്‍ വീതവും മറ്റു ജില്ലകളിൽ 9 കേന്ദ്രങ്ങള്‍ വീതമാണ് പട്ടികയിൽ ഉള്ളത്.  


തിരുവനന്തപുരം ജില്ലയില്‍ ശ്രീ ഗോകുലം മെഡിക്കല്‍ കോളേജ്, നെടുമങ്ങാട് ജില്ലാ ആശുപത്രി, പാറശാല താലൂക്ക് ആശുപത്രി, വിതുര താലൂക്ക് ആശുപത്രി, മണമ്പൂര്‍ സാമൂഹികാരോഗ്യ കേന്ദ്രം, ജില്ല ആയുര്‍വേദ ആശുപത്രി വര്‍ക്കല, തൈക്കാട് സ്ത്രീകളുടേയും കുട്ടികളുടേയും ആശുപത്രി, കിംസ് ആശുപത്രി, നിംസ് മെഡിസിറ്റി, പൂഴനാട് പ്രാഥമികാരോഗ്യ കേന്ദ്രം, പാങ്ങപ്പാറ പ്രാഥമികാരോഗ്യ കേന്ദ്രം എന്നിവിടങ്ങളിലാണ് കൊവിഡ് വാക്‌സിന്‍ കേന്ദ്രങ്ങളുള്ളത്.


 പ്രാഥമികാരോഗ്യ കേന്ദ്രങ്ങള്‍ മുതല്‍ മെഡിക്കല്‍ കോളേജുകള്‍ വരെയുള്ള വിവിധ ആശുപത്രികളേയും ആയുഷ് മേഖലയേയും സ്വകാര്യ ആശുപത്രികളേയും ഉൾപ്പെടുത്തിയാണ് കേന്ദ്രങ്ങളുടെ പട്ടിക   തയ്യാറാക്കിയിരിക്കുന്നത്.  എല്ലാ കേന്ദ്രങ്ങളും എത്രയും വേഗം സജ്ജമാക്കാന്‍ നിര്‍ദേശം നല്‍കിയിട്ടുണ്ടെന്നും മന്ത്രി വ്യക്തമാക്കി. ഒരു കേന്ദ്രത്തില്‍ ഒരു ദിവസം 100 പേര്‍ക്ക് വാക്‌സിന്‍ നല്‍കുന്ന സജ്ജീകരണങ്ങളാണ് ഒരുക്കുന്നത്.  കൊവിഡ് മാനദണ്ഡങ്ങള്‍ പാലിച്ചായിരിക്കും കേന്ദ്രങ്ങള്‍ സജജമാക്കുന്നത്.   

Post Top Ad