ഇടവ കാപ്പിൽ എച്ച് . എസിൽ നിന്നും തിരുവനന്തപുരം വരെ കെ.എസ്.ആർ.ടി.സി ബസ്സ് ആരംഭിച്ചു. കാപ്പിൽ എച്ച്.എസിൽ വർക്കല എം.എൽ.എ അഡ്വ:വി. ജോയി ഫ്ലാഗ് ഓഫ് ചെയ്തു ബസ് റൂട്ട് ഉദ്ഘാടനം നിർവഹിച്ചു. രാവിലെ ആറ്റിങ്ങലിൽ നിന്നും 7. 30ന് കാപ്പിൽ എത്തിച്ചേരും തുടർന്ന് 7.45 ന് കാപ്പിൽ എച്ച്.എസിൽ നിന്നും പുറപ്പെട്ട് വർക്കല, കല്ലമ്പലം , ആറ്റിങ്ങൽ , മെഡിക്കൽ കോളേജ് വഴി തിരുവനന്തപുരത്ത് എത്തും. തിരികെ വൈകുന്നേരം 5 മണിക്ക് കാപ്പിൽ എത്തിച്ചേരും. ഇടവ പഞ്ചായത്ത് പ്രസിഡന്റ് ബാലിക്ക് , വൈസ് പ്രസിഡന്റ് ശുഭ , എ.ടി.ഒ.വി . രാജേഷ്, ജനറൽ സി.ഐ ഷാജി, സി.എസ് അജയകുമാർ മറ്റ് പഞ്ചായത്ത് മെമ്പർമാർ ജന പ്രതികൾ തുടങ്ങിയവർ പങ്കെടുത്തു.
