2021-22 അധ്യയന വർഷത്തെ പാഠപുസ്തക വിതരണം തുടങ്ങി - EC Online TV

Breaking

Post Top Ad


2021, ഫെബ്രുവരി 19, വെള്ളിയാഴ്‌ച

2021-22 അധ്യയന വർഷത്തെ പാഠപുസ്തക വിതരണം തുടങ്ങി

 


2021-22 അധ്യയന വർഷത്തെ ഒന്ന് മുതൽ പത്തുവരെ ക്ലാസ്സുകളിലെ പാഠപുസ്തകങ്ങളുടെ  സംസ്ഥാനതല വിതരണോദ്ഘാടനം ഇടുക്കി വാഴത്തോപ്പ് സെന്റ് ജോർജ്ജ് ഹയർ സെക്കണ്ടറി സ്‌കൂളിൽ വിദ്യാഭ്യാസ മന്ത്രി പ്രൊഫ. സി. രവീന്ദ്രനാഥ് നിർഹിച്ചു. ജൂണിൽ ആരംഭിക്കുന്ന അടുത്ത അധ്യയന വർഷത്തെ പാഠപുസ്തകങ്ങളാണ് വിതരണം ചെയ്യുന്നത്. ഒന്നാം വാല്യം 288 ടൈറ്റിലുകളായി രണ്ട് കോടി 87 ലക്ഷം പാഠപുസ്തകങ്ങളാണ് അച്ചടി പൂർത്തിയാക്കി വിതരണം ആരംഭിച്ചത്. ഒന്ന് മുതൽ എട്ടുവരെ ക്ലാസ്സുകളിലെ പുസ്തകങ്ങൾ  പൂർണ്ണമായും സൗജന്യമായിട്ടാണ്  നൽകുന്നത്. കോവിഡ് മാനദണ്ഡങ്ങൾ പാലിച്ച് സ്‌കൂൾ സൊസൈറ്റികൾ മുഖേന രക്ഷകർത്താക്കൾക്കാണ് പാഠപുസ്തകം വിതരണം നടത്തുന്നത്. ചടങ്ങിൽ ഇടുക്കി വിദ്യാഭ്യാസ ഉപഡയറക്ടർ വി.എ. ശശീന്ദ്രവ്യാസ്, പ്രഥമാദ്ധ്യാപകൻ കെ.എസ്. സിബി, നൂൺമീൽ സൂപ്പർവൈസർ സൈമൺ പി.ജെ, മറ്റ് ഉദ്യോഗസ്ഥർ തുടങ്ങിയവർ ഉദ്ഘാടന യോഗത്തിൽ  പങ്കെടുത്തു.


Post Top Ad