എസ്.എസ്.എൽ.സി., പ്ലസ് ടു പൊതു പരീക്ഷയ്ക്കുള്ള റിവിഷൻ ക്ലാസുകൾ കൈറ്റ് വിക്ടേഴ്സ് ചാനലിലെ ഫസ്റ്റ് ബെൽ ഡിജിറ്റൽ ക്ലാസ്സുകളിൽ ആരംഭിച്ചു. പ്ലസ്‌ടു റിവിഷൻ ക്ലാസുകൾ രാവിലെ 8 മണിക്കും 8.30ന് പത്താം ക്ലാസ്സുകാർക്കുമുള്ള റിവിഷൻ ക്‌ളാസുകളും സംപ്രേഷണം ചെയ്യും. അതത് ദിവസം രാത്രി 8.00 മണിക്കും 8.30 നും ക്ലാസുകൾ പുനഃസംപ്രേഷണം നടത്തും. ക്ലാസ്സുകളുടെ സമയ ക്രമവും ക്ലാസ്സുകളും തുടർച്ചയായി ഫസ്റ്റ് ബെൽ പോർട്ടലിൽ ലഭ്യമാണ്. firstbell.kite.kerala.gov.in എന്ന ലിങ്ക് വഴി പോർട്ടലിൽ നിന്നും വിദ്യാർത്ഥികൾക്ക് ക്ലാസുകൾ ഡൗൺലോഡ് ചെയ്യാവുന്നതാണ്.
