ആശുപത്രി യാത്രയ്ക്ക് യാത്രാ പാസ് നിർബന്ധമല്ല - EC Online TV

Breaking

Post Top Ad


2021, മേയ് 11, ചൊവ്വാഴ്ച

ആശുപത്രി യാത്രയ്ക്ക് യാത്രാ പാസ് നിർബന്ധമല്ല

സംസ്ഥാനത്ത് ലോക്ക് ഡൗണിനോടനുബന്ധിച്ച്  പോലീസ് ഏർപ്പെടുത്തിയ ഓൺലൈൻ പാസ് സംവിധാനത്തിലേയ്ക് ആയിരക്കണക്കിന് അപേക്ഷകളാണു ലഭിക്കുന്ന എന്നാൽ ഇത്രയും പേർക്കു പാസ് നൽകിയാൽ ലോക്ഡൗണിന്റെ ലക്ഷ്യം പരാജയപ്പെടും. അവശ്യസാധനങ്ങൾ വാങ്ങുന്നതിനുള്ള അപേക്ഷകളാണ് ഭൂരിഭാഗവും ലഭിക്കുന്നത്. അത്യാവശ്യ യാത്രകൾക്ക് മാത്രമാണ്  ഇപ്പോൾ പാസ് അനുവദിക്കുന്നത്.

ആശുപത്രി യാത്രകൾക്ക്  പാസ് നിർബന്ധമല്ല എന്നാൽ മെഡിക്കൽ രേഖകളും സത്യവാങ്‌മൂലവും 
കയ്യിൽ കരുതുക.ഒരു വാഹനത്തിൽ പരമാവധി 3 പേർക്കു വരെ യാത്ര ചെയ്യാം. അവശ്യ സർവീസ് വിഭാഗത്തിലുള്ളവർക്ക് അതതു സ്ഥാപനത്തിന്റെ തിരിച്ചറിയൽ കാർഡ് ഉണ്ടെങ്കിൽ പാസ് വേണ്ടന്നും പോലീസ് വ്യക്തമാക്കി.
 
തൊട്ടടുത്ത കടയിൽ നിന്നു മരുന്ന്, ഭക്ഷണം, പാൽ, പച്ചക്കറികൾ എന്നിവ വാങ്ങാൻ പോകുന്നവർ പാസ്സിന് അപേക്ഷിക്കേണ്ടതില്ല  സത്യവാങ്മൂലം ‍കയ്യിൽ കരുതിയാൽ മതിയാകും. അവശ്യസാധനങ്ങൾ വാങ്ങുന്നതിനു പുറത്തിറ‍ങ്ങാമെന്നാണെങ്കിലും അതു ദുരുപയോഗം ചെയ്താൽ  കർശന നടപടി സ്വീകരിക്കുമെന്നും പോലീസ്.

അഭിപ്രായങ്ങളൊന്നുമില്ല:

ഒരു അഭിപ്രായം പോസ്റ്റ് ചെയ്യൂ

Post Top Ad